Samaín na "biblio" do Insua: 50 anos de medo!

Samaín na "biblio" do Insua: 50 anos de medo! Como cada ano, coa chegada do Samaín, a biblioteca do noso "cole" muda de aspecto e énchese de misterio, arañeiras, historias arrepiantes e algún que outro susto. Pero este curso o noso colexio cumpre 50 anos! E, claro está, unha ocasión así tamén merece un Samaín á altura. Porque ás veces cumprir anos... tamén dá medo! Para a ocasión, decoramos a porta da biblioteca, tanto por fóra como por dentro, e enchemos o taboleiro de propostas lectoras arrepiantes para que ninguén quede sen a súa boa dose de misterio. Neste caso foi o alumnado de 5º de Educación Primaria o que puxo a súa creatividade ao servizo desta transformación tan terrorífica. Pero o Samaín non quedou só na decoración! O alumnado de 3º, 4º, 5º e 6º de Educación Primaria converteuse en protagonista dunha serie de contacontos dirixidos aos nenos e nenas de Educación Infantil e da Aula de Educación Especial. Porque as historias, cando se comparten, dan menos medo… ou quizais un pouquiño máis! Cincuenta anos de historias, cincuenta anos de lembranzas e, por suposto, cincuenta anos de medo! A continuación, deixámosvos unha escolma de fotografías para que poidades descubrir como vivimos esta celebración. Atréveste a entrar na nosa biblioteca? E lembrade: sabe máis Leolandra por maior ca por Leolandra!

 No día de hoxe ademáis da festa de fin de curso felicitamos e agasallamos cun diploma e un marcapáxinas aos alumnos máis lectores do nosa biblioteca.

1.- Mateo Orosa Gayoso (72 préstamos)

2.-Judith Gómez Seijo (65 préstamos)

3.- Noa Piñeiro García (63 préstamos)

4.- Meryem El Hassnaoui (59 préstamos)

5.- Mael Engroba Pernas (57 préstamos)

Mateo, Meryem, Noa e Mael 1ºB

Judith Gómez Seijo 2ºA

 Os nosos alumnos de 2º de Primaria visitan a Escola de Infantil nun intercambio lector que realizamos todos os anos. Moitos destes nenos e nenas foron alumnos desta escola. Comezaron facendo unha mini obra de teatro e cantando unha canción. Contamos tamén con Darío que dende a súa casa contou un fermoso conto.

No día de hoxe contamos coa visita de Paco Nogueiras, o concerto foi dirixido para E.infantil, Aula específica e 1º de Primaria.

                        

 Hoxe no museo do Castro de Viladonga tivo lugar a inaugarión da exposición que durante o presente curso estivemos a traballar os centros que compoñemos a Microrrede de Bibliotecas escolares Terra Chá, un marabilloso traballo do que nos sentimos moi orgullosos e orgullosas .O proxecto deste curso tratou sobre os oficios  que os nosos devanceiros desenvolveron durante moitos anos; así como de persoaxes senlleiros  da nosa comarca. A exposición está aberta ao público ata finais de mes.

Cartel da exposición

Sara Jato

Comadrona Concha da Reina

Mulleres do liño de Insua

Oficios tradicionais

Os torneiros e Roteiro de Mulleres Senlleiras Terra Chá

Fiolleiras 

 Os alumnos de E. Infantil, aula específica, 1º, 2º, e 3º de E.P, disfrutaron hoxe da compañía de Cé Orquestra Pantasma, unha maneira moi especial  de demostrar como a música pode cobrar vida e contarnos historias marabillosas a través dos instrumentos. Como as fotos o indican a festa estaba garantida.

Hoxe tocoulle o turno a 5ºC, o curso que faltaba por ler contos aos nenos de E.Infantil. Pasaronno todos moi ben.