Durante o primeiro trimestre non se poderá facer préstamo de libros, debido a que nos atopamos recatalogando todo de novo e expurgando pois cambiamos o programa Meiga que tivemos ata agora polo KOHA. Esperamos rematar o antes posible.

 Seguimos recibindo novos exemplares e decoraremos a biblio  para as distintas festividades que teñamos.

Recentemente como cada ano vimos de publicar a nosa revista "A Pravia", atópase virtualmente na páxina do cole e físicamente foi entregada o último día aos nenos e nenas do cole, aos colexos da contorna , e algún exemplar quedou na nosa biblioteca.

https://www.calameo.com/books/005341709f5cbd18c166d

 Hoxe como remate do proxecto deste ano, os profes de E. Física organizan xogos de auga. A pesar do tempo que non nos favoreceu, os nenos e nenas difrutaron moito. Na seguinte ligazón podedes comprobar o ben que o pasaron. 

XOGOS DE AUGA

Como cada ano hoxe celebramos a andaina de fin de curso. Os outros anos foron tramos do camiño de Santiago, pero este curso quixémola facer en honor ao noso proxecto, " A auga, fonte de vida". E escollemos o fermoso paseo as beiras do río Miño, na capital da nosa provincia, Lugo. 

Na seguinte ligazón podedes encontrar unha reportaxe visual da andaina realizada:

FOTOS ANDAINA

 Hoxe contamos coa presencia da profe Oliva da E.E.Infantil, visitounos para contarlles aos alumnos de 1º e 2º a lenda da Charca de Alligal, veu acompañada da profe Mercedes e de algúns alumnos de dita escola, colaboradores na preparación de dita lenda. Disfrutaron moito e ao rematar recibiron un fermoso e máxico agasallo.

 No día de hoxe os nenos e nenas de 1º e 2º visitaron a E.E..Infantil, para contar contos aos nenos de dita escola. Iban con moita ilusión pois algúns deles cursaran aquí a súa primeira etapa de escolarización.

 Como motivo do día das Letras Galegas  dúas artistas, alumnas de 5º B pintaron a Luisa Villalta, homenaxeada deste ano 2024, Xoana e Betty, as mesmas que se encargaron de Rosalía de Castro no seu día. Así mesmos os nenos e nenas de 6º completaron o mural coa vida e a obra de Villalta. Moitas grazas a tod@s!